मान्सून 2026 चा अंदाज ; दुष्काळ की सुकाळ, पहा तोडकर यांचा अंदाज. २०२६ च्या पावसाळ्याबद्दल (मान्सून) विचार केला असता, यंदा दुष्काळ पडण्याची शक्यता कमी आहे. ‘ला निना’ स्थिती न्यूट्रलमध्ये जात असली तरी ‘अल निनो’चे संकट सध्यातरी दिसत नाही, त्यामुळे पाऊस सरासरी इतका राहू शकतो. जून आणि जुलै महिन्यात पेरणीसाठी पावसाचा काहीसा लपंडाव किंवा ओढ जाणवू शकते. ऑगस्ट महिन्यात पावसाचा सुमारे २० ते २५ दिवसांचा मोठा खंड पडण्याची शक्यता असली, तरी एकूण पावसाचे प्रमाण पिकांसाठी पुरेसे राहील. विशेष म्हणजे, यंदा परतीचा पाऊस अत्यंत समाधानकारक आणि जोरदार असेल, जो रब्बी हंगामासाठी आणि भूगर्भातील पाणीपातळी वाढवण्यासाठी अत्यंत उपयुक्त ठरेल.
एकूणच, २०२६ हे वर्ष दुष्काळी नसून एक “सुकाळ” किंवा सरासरी पावसाचे वर्ष असेल. मान्सूनचे आगमन काहीसे लांबणीवर पडू शकते किंवा सुरुवातीला पावसाची टक्केवारी कमी राहू शकते, परंतु परतीचा पाऊस या कसर भरून काढेल. शेतकऱ्यांनी हवामानातील बदलांनुसार आपल्या पिकांचे व्यवस्थापन करावे. हा अंदाज सध्याच्या हवामान मॉडेलवर आधारित असून, मान्सूनच्या अधिक अचूक माहितीसाठी मार्चमध्ये येणारा पुढील रिपोर्ट महत्त्वाचा ठरेल.
